LAOAG CITY – Umabot iti 130 ribo a kameng ti Iglesia ni Cristo ti nakipaset ti tignay-protesta iti Quirino Grandstand iti Manila.
Daytoy ket basar iti inparuk-at datos ti Manila Police District.
Ti “Peaceful Rally for Transparency and a Better Democracy” nga idaulwan ti religious group nga Iglesia ni Cristo ket agpaot agingga intono martes, Nobyembre 18 ita a tawen.
Inbatad ti grupo a mabalin pay ti makipaset dagiti saan da a miembro ti Iglesia ni Kristo a mangitantandudo ti panagsungbat ti gobierno.
Adda met ti nasurok a 16 a ribo a police personnel ti naiwaras tapno maipatalged ti seguridad.
Kabayatanna, inrakurak ti Malakanyang babaen ken ni Communications Secretary Dave Gomez a naiget ti panagmonitor ni President Ferdinand Marcos Jr. kadagiti aktibidad iti tallo nga aldaw a rally nga inorganisar ti Iglesia ni Cristo.
Mainaig iti daytoy, Inbatad ni Department of the Interior and Local Government Sec. Jonvic Remulla a naurnus ti pakabuklan ti assessment na iti tignay-protesta nga insayangkat ti Iglesia ni Cristo ita nga aldaw.
