LAOAG CITY – Kinumpirmaran ni Palace Press Officer USec. Claire Castro nga inawat ni Presidente Ferdinand Marcos Jr. ti boluntario a panagikkat da Executive Secretary Lucas Bersamin ken Department of Budget and Management Secretary Amenah Pangandaman.
Inbatad ni USec. Castro, nagikkat iti puesto da Bersamin ken Pangandaman kalpasan a nairaman iti isyu ti budget insertions.
Kunana nga inaramid ti dua ti addang kas panangipakita ti delikadeza.
Nangipadanon met ti panagyaman ni Presidente Marcos iti nagbalin a serbisio da Bersamin ken Pangandaman iti gobierno.
Dinutokan ni Presidente Marcos ni Secretary Ralph Recto kas baro nga Executive Secretary idinto a ni Secretary Frederick Go ti baro a Finance Secretary ken ni USec. Rolando Toledo met ti nadutokan iti Department of Budget and Management.
