LAOAG CITY – Nasentensyaan ti dusa a patay ni dati a Bangladesh prime minister gapo iti crimes against humanity mainaig iti crackdown iti student-led protests a nangitunda iti pannaka-ikkat na iti pwesto.
Naduktalan a ni Sheikh Hasina ket guilty iti panangipalubos na ti lethal force kontra kadagiti protesters no sadinno 1,400 ti natay kabayatan ti tensyon iti napalabas a tawen.
Ni Hasina, agtawen ti 78, ket nadengeg babaen iti absentia iti International Crimes Tribunal (ICT) idiay Bangladesh, ken na-exile idiay India sipud naikkat iti pwesto idi July 2024.
Inakusaran dagiti prosecutors daytoy nga adda iti likudan tk ginasot a pannakatay kabayatan ti panagprotesta.
Naglikudan met ni Hasina ti pammabaasol kenkuana ken inawagan na daytoy a “biased ken politically motivated”.
