LAOAG CITY – Indeklarar ni Presidente Ferdinand Marcos Jr. ti net worth daytoy nga adda ti sumurok P389 million, basar iti Statement of Assets, Liabilities, and Net Worth wenno SALN-na agingga idi Disiembre 31, 2024.
Insubmitir pay ti Presidente iti Statement of Assets, Liabilities, and Net Worth daytoy ti P1.375 billion babaen ti private firm a Cuervo Appraisers, Inc. idi 2024.
Ti indeklarar ti Presidente ket karaman ti P389.357 million a maibasar iti rules of the Civil Service Commission iti panangipila ti Statement of Assets, Liabilities, and Net Worth idinto ti P1.375 billion ket basar iti gatad babaen ti Cuervo.
Iti deklarasionna basar iti pagannurotan ti Civil Service Commission, ti sanikua ti Presidente ket pakairamanan ti P142.026 million nga agbalor ti 21 a real estate property pakairamanan ti agricultural ken residential land ken personal property nga agbalor ti P247.332 million.
Mainaig iti daytoy, ti personal properties ni Marcos ket pakairamanan ti kuarta nga aggatad ti P38.7 million, investments nga agbalor ti P134.192 million kasta pay dagiti pedaso ti alahas, 12 a lugan ken paintings nga agbalor ti P247.332 million.
Naammoan a dagiti lugan ni Marcos ket pakairamanan ti Mercedes-Benz Maybach nga agbalor ti P10.5 million ken 126 paintings nga aramid dagiti notable artists pakairamanan da Fernando Amorsolo, Jose Joya, Ben Cabrera, Arturo Luz ken pakairamanan pay ti partuat ti bannuar ti pagilian a ni Dr. Jose Rizal.
Kabayatanna, ti kanginaan a painting kadagiti koleksion ni Marcos ket agbalor ti P19 million.
