LAOAG CITY – Inpasigurado ni Ombudsman Jesus Crispin Remulla nga awan ti mapasamak ken ni dati nga Ako Bicol Rep. Zaldy Co no agawid ditoy pagilian.
Maisupadi daytoy ti anunsio ti dati nga agpanpanday linteg nga adda ti pangta iti biagna iti kanito nga agawid daytoy ditoy pagilian.
Inbatad ni Remulla, nakasaganada nga ipaayan ti seguridad ni Co no kalikagumna nga agawid ditoy Pilipinas.
Nangidiaya pay ni Remulla ti lugan a mangsukon kenkuana iti eropuerto ken itulod iti sadinnoman ti kayatna.
Innayonna a no kayat ni Co ket maidokumento iti babaen ti video ti panangsukon kenkuana agingga a makadanon iti lugar a pangitulodan kenkuana.
