LAOAG CITY – Agpila ti Ombudsman ti kaso kontra ken ni dati nga Speaker ken Leyte 1st District Rep. Martin Romualdez mainaig iti flood control anomaly iti sumaruno nga innem agingga iti siyam a bolan.
Daytoy ti inrakurak a mismo ni Ombudsman Jesus Crispin Remulla.
Inaramid daytoy ni Remulla iti naiwayat a forum mainaig iti flood control controversy a naorganisar babaen ti University of the Philippines College of Law a naiwayat iti U.P. Bonifacio Global City.
Innayon ni Remulla a kitkitaen pay ti Ombudsman dagiti dadduma nga anggulo ngem saan nan nga indetalye pay.
Kuna na pay ni Remulla a masapol a kitaen a naimbag ti Ombudsman dagiti ebidensya nga addaan ti partikular a panaglabsing iti linteg.
Kabayatanna, inpasigurado ni Remulla a kaanuman ket saan nga agpila ti lousy case kas anti-graft buster ti pagilian.
