LAOAG CITY – Naobserbaran ni Gov. Cecilia Araneta Marcos nga awan unay ti nagbalbaliwan ti Padsan River iti laksid nga adda ti maisaysayangkat a dredging activity.
Segun kenni Marcos, inbasbassit dan ti paset ti karayan a mabalin da a pagalaan.
Inbatad na nga idi ket makita nga ado dagiti equipment ngem in-inot a bimmassit no sadinno maysa agingga iti dua laeng a backhoe.
Kunana a maysa kadagiti naduktalan na ket adda dagiti agilaklako pay ti aggregate ditoy probinsya.
Innayon na a nasken a saan kuma a ditoy probinsya ti pagilakoan dagiti maseknan tapno saan a kakompetensya dagiti quarry operators.
Maipagarop a nangrugi ti dredging activity iti Padsan River idi 2022 ken proyekto ti gobierno probinsyal tapno maliklikan ti panaglayos.
