LAOAG CITY – Umaboten iti 55 a tattao dagiti natay gapu iti napigsa a tudoa nangitunda ti layos ken landslides iti central Vietnam.
Malaksid kadagiti natay ket adda pay ti 13 a sabsabali dagiti nagtalinaed a mapukpukaw.
Basar iti report, limmabes iti 1,900 mm ti panagtudo na iti sumagmamano a paset ti central Vietnam iti napalabas a lawas.
Agarop kagudua dagiti natay ket manipod iti probinsy ti Dak Lak, no sadinno a 27 ti natay, idinto a 14 met ti naggapo ii Khanh Hoa.
Mapatta-patta nga umabot iti 8.98 trilyong dong wenno sumuruk-kumurang a $341 milyon ti balor dagiti nadadael iti benneg ti ekonomiya.
Nasurok pay a 235,000 a balay ti nabalkot ti layos ken agarop 80,000 nga ektarya dagiti nadadael a mula.
