LAOAG CITY -Plano a maikabil ni dati a Bamban, Tarlac mayor Alice Guo iti maximum-security facility iti kanito nga ibilin ti korte ti pannakaiyakar kenkuana iti Correctional Institution for Women (CIW).
Daytoy ket basar ken ni Bureau of Corrections (BuCor) Director General Gregorio Catapang Jr.
Segun ken ni Catapang, dumalan paylaeng ni Guo iti medical examination ken five-day quarantine sakbay a maiserrek iti maximum-security prison.
Maipalagip a sinentensyaan ti Pasig City Regional Trial Court (RTC) ni Guo ti tungpal biag a pannakabalud gapu iti kaso na nga qualified human trafficking nga adda ti pakainaigan iti illegal nga aktibidad ti Philippine Offshore Gaming Operator (POGO).
Kalpasan iti daytoy ket nagpila ni Guo ti mosyon nga agtalinaed iti Pasig City Jail Female Dormitory imbes nga iyakar iti all-women correctional facility.
Naamoan a denggen ti korte ti mosyon ni Guo intono Nobyembre 26 ita a tawen.
Kabayatanna, plano met ti Bureau of Correction ti agnayun ti security personnel tapno masigurado ti kinatalged ni Guo kabayatan nga adda iti maximum-security facility.
