LAOAG CITY – Saan pay a pinal ti plano nga indiaya ti Estados Unidos iti Kyiv tapno agngudon ti gubat iti nagbaetan ti Russia ken Ukraine.
Daytoy ti inrakurak ni US President Donald Trump kalpasan nga inpeksa dagiti Ukrainian allies ti pakaseknan da iti proposal ti Amerika.
Immunan nga inrakurak dagiti leaders manipod iti Europe, Canada ken Japan a ti plano ket addaan ti element para iti napaot a kapia ngem kasapulan ti nayun a trabaho no sadinno a possible nga adda ti dakkel a pagbalbaliwan iti border ken malimitaran ti armada ti Ukraine.
Ita laeng nga aldaw ket nagkikita met dagiti security officials manipod Britain, France, Germany, Estados Unidos ken Ukraine idiay Geneva, Switzerland.
Inrakurak ni Trump nga inikkan na ti Ukraine agingga iti Nobyembre 27 a mangawat ti 28-point plan, idinto a nadakamat met ni Russian President Vladimir Putin a mabalin a pagibasaran daytoy para iti katulagan.
