LAOAG CITY – Naipaima kadagiti innem a pagadalan ditoy siudad ti Laoag dagiti innem a Shredder units.
Segun kenni Mrs. Mylene Pascual, mangidadaulo ti City Environment and Natural Resources Office ditoy ciudad ti Laoag, daytoy ket ginatang a mismo ti lokal a gobierno babaen ti City Environment and Natural Resources Office.
Kunana a dagiti recipients ket dagiti winners ti 2024 Search for Cleanest, Greenest, Safest and Model School on Eco-Waste Management of Laoag City ket karaman diroy ti Ilocos Norte National High School, Pila Elementary School, Salet-Bulangon Elementary School, Cabeza Elementary School, Shamrock Elementary School Ken San Mateo Elementary School.
Inbatad ni Pascual a napateg dagiti shredder iti pannakamentenar ti basura ken kinadalus nangruna kadagiti pagadalan.
Innayon na a dagiti waste materials ti maaramid nga organic fertlizer a dakkel a tulong nangruna iti gardening program ti pagadalan ken komunidad.
