LAOAG CITY – Inpasingked ni Governor Cecilia Araneta-Marcos ti suporta da ken ni Presidente Ferdinand Marcos Jr.
Daytoy ket maipanggep kadagiti nagduduma nga isyu a sangsangwen ti agdama nga administrasyon.
Inlawlawag na a suportaran da ni Marcos gapu ta isuna ti presidente ti pagilian, aglalo ket aggapo pay ditoy Ilocos Norte.
Kuna pay ni Gobernador Marcos nga uray ni Senador Imee ket suportaran da gapu ta isuna ti kakaisuna a senador manipod ditoy probinsya.
Nupay kasta, kuna na a no maipapan iti isyu iti nagbaetan da Presidente Marcos ken ti kabsat na a ni Senador Imee Marcos ket saanda a makibiang iti daytoy.
Inbatad ti gobernador nga arigna adda da iti tengnga ti dua a nagannak nga awan ti rumbeng a pilyen ken kanunungan da.
Innayon na nga ikarkararag da laengen a no aniaman ti saan a pagkinnaawatan dagiti agkabsat ket masolbar ken maurnus da metlaeng.
