LAOAG CITY – Dumanon iti 250 nga indibidual ti natay gapu iti nakaro a layos iti Southeast Asia pakairamanan ti Indonesia, Thailand ken Malaysia.
Daytoy ket kalpasan iti napasaran a napigsa a tudo dagiti tallo a pagilian no sadinno nga adda dagiti residente ti napan iti tuktok kadagiti pagtaenganda.
Mainaig iti daytoy, marigatan dagiti otoridad a madanon dagiti naapektaran a lugar iti Sumatra island idiay Indonesia idinto a naikabil met dagiti bangkay iti refrigerated trucks kalpasan a saanen a makaanay ti kapasidad iti morgue iti southern Thailand hospital.
Indiskribir ti agtawen ti 53 a residente iti West Sumatra ti alisto a panagngato ti lebel ti danum a nakabutbuteng kagiddan ti panagturongna iti asawana iti pagtaenganda.
Segun kadagiti opisial ti Sumatra, ti panaglayos ken landslides ita a lawas ket nakatayan ti 111 nga indibidual ken agarup 100 ti mapukpukaw.
Inpakaammo met ni North Sumatra police spokesman Ferry Walintukan a nakapokus dagiti otoridad kadagiti evacuation center ken ti panangipaay ti tulong kadagiti biktima ti kalamidad.
Naammoan nga iti probinsia ti Aceh iti isla idiay Indonesia, ti panages-es ti danum ket nangibati ti napuskol a pitak kadagiti adu a lugan ken pagtaengan.
