LAOAG CITY – Kinumpirmaran ti Philippine consulate general iti Hong Kong a maysa nga Overseas Filipino Worker ti natay iti napasamak nga uram iti Wang Fuk Court residential complex iti Tai Po.
Ti pimmusay a ni Filipino worker Maryann Pascual Esteban ket immunan a naireport a mapukpukaw kalpasan ti insidente.
Iti statement ti Philippine Consulate General ti Hong Kong, indanun da ti pannakipagladingit da iti pamilya ni Esteban.
Naulila ni Esteban ti agtawen ti 10 nga anak na a lalaki ken ti pamilya na iti Cainta, Rizal.
Agtultuloy ti on-the-ground operations ti konsulado tapno matulongan ken ma-check ti pagsayaatan dagiti Overseas Filipino Workers a naapektaran iti insidente ti uram iti Tai Po.
