LAOAG CITY – Inapurbaran ti Department of Education (DepEd) ti pannakaiparuk-at ti P131 million a mangsuporta iti literacy interventions kadagiti 131 a pagadalan nga addaan ti negative results iti 2024-2025 Comprehensive Rapid Literacy Assessment.
Iti pannakairubwat ti DepEd’s Batang Bumabasa Initiative idiay Quezon City, kuna ni Second Congressional Commission on Education (EDCOM 2) executive director Karol Mark Yee a 85 percent iti Grade 1 agingga iti Grade 3 learners ti marigatan nga agbasa basar iti kaudian a findings ti komisyon.
Inbatad na a ti weakest-performing schools ket iti Regions 12, 9 ken 8 – pakairamanan ti Samar, Tacloban, Zamboanga ken Soccsksargen.
Kuna n Yee a ti ar-aramiden da ken ti pannakibinnulig da iti DepEd ket nakapokus kadagiti agkasapulan a pagadalan.
Manaig iti daytoy, maalarma ti EDCOM 2 iti panagngato ti functional illiteracy, no sadinno dandanin nagdoble ti bilang agingga iti 24.8 million a Pilipino iti napalabas a 30 a tawen.
Ummuna metten a nagballaag ti United Nations Children’s Fund iti “real and widespread learning crisis” iti Pilipinas no sadinno iti kaudian nga assessments a kaadoan kadagiti estudyante ket maudi iti panagbasa ken iti mathematics.
Tapno masolbar met ti karit, kuna ni Yee a ti solusyon ket masapol ti stronger learning resources, mapadur-as ti teacher training ken active community participation.
