LAOAG CITY – Dinillaw ti Commission on Audit (COA) ti Department of Agriculture (DA) kalpasan a naduktalan nga adda ti 58,784 a mannalon ti nakaawat ti cash assistance idinto a dagitoy ket saan a kwalipikado.
Basar iti report, dagiti nailanad a rason ket saan a nakarehistro dagiti nasao a mannalon iti “Rice Farmers Financial Assistance” program, nakurang iti dokumento, wenno saan a pudno a mannalon.
Naduktalan pay a dagiti dadduma a naipaayan ti tulong pinansyal ket pimmusayen, inactive, wenno awan iti masterlist ti kwalipikado a benepisyaryo.
Iti baet daytoy, nakaawat paylaeng ti P5,000 cash grants ti nasurok a 50,000 a saan a kwalipikado a benepisyaryo, ken adda pay dagiti nakaawat ti doble.
Kabayatanna, nasurok nga 40 a kwalipikado a mannalon ti saan a nakaawat ti tulong gapu iti kinakurang iti koordinasyon ken field validation.
