LAOAG CITY – Mamati ni Vice President Sara Duterte a naliday ti paskua dagiti Pilipino gapu kadagiti mapaspasamak a korpasyon iti pagilian ken ti panagabuso iti posisyon ken dagiti opisina ti gobierno.
Inrakurak daytoy ti bise presidente kabayatan ti interview kenkuana idiay Hague, Netherlands kalpasan ti ibibisita na iti ama na a ni dati a President Rodrigo Duterte iti International Criminal Court detention center.
Nupay kasta, kuna ni Vice President Duterte a masapol nga agtalinaed a natibker ken saan a mapukawan ti namnama dagiti Pilipino.
Innayon na nga ikararag nga aniaman dagiti pagdaldalanan ita a 2025 ket napinpintas dagiti ti agbalin a 2026.
