LAOAG CITY – Nagun-od manen iti local a gobierno ditoy ciudad ti Child-Friendly Local Governance Audit; Special Citation on Enhanced Support Service Intervention (ESS) Implementation-Laoag City, ken Special Citation on Partnership Engagement-Laoag City.
Daytoy ket babaen iti gobierno national ken iti Department of interior and local goverment (DILG).
Naamoan a tapno magun-od dagiti nasao a pammadayaw ket kasapolan a ti maysa a Local Government Unit ket usto ti panangipatungpal na kadagiti programa ken proyekto para kadagiti ubbing.
Inlawlawag ti lokal a gobierno a nagun-od da daytoy a pammadayaw gapu iti napintas a koordinasion dagiti agpanpanday linteg ken dagiti ahensia a katulungan da iti pannakaipaay ti tulong kadagiti ubbing.
Mangipakita daytoy nga usto ken umno iti pakaibanbanagan dagiti pondo kadagiti programa nga isaysayangkat ti lokal a gobierno ditoy ciudad ti Laoag.
Kabayatanna, inpasingked ti lokal a gobierno nga ad-adda pay nga agtrabaho da a naimbag tapno ad-ado pay dagiti matulungan nga umili ditoy ciudad.
