LAOAG CITY – Agarop 14,600 a pulis ti ideploy ti National Capital Region Police Office (NCRPO) ita a panawen ti paskua.
Segun iti National Capital Region Police Office, kagudua kadagitoy ti maidestino kadagiti natao a lugar kas kadagiti kangrunaan a kalsada, estasion ti tren, mall, merkado ken simbaan sakbay a mangrugi ti Simbang Gabi.
Ti sabali a kagudua wenno 7,287 ket mangiyuswat ti routine law enforcement duties kas iti checkpoint operations, border control, field inspections ken rapid police response iti Metro Manila.
Kuna pay ni National Capital Region Police Office chief Maj. Gen. Anthony Aberin a kayatda a siguraduen a natalged ti publiko kabayatan ti panangisayangkatda iti panaggatang ken dadduma pay nga aktibidad da ita a Holiday Season.
Ummunan a nairekord ti National Capital Region Police Office ti 31 a porsiento a panagngato ti kaso ti panagtakaw, shoplifting ken snatching no ikumpara iti napalabas a tawen.
