LAOAG CITY – Nagballigi ti naiwayat nga “Oplan Galugad” iti Ilocos Norte Provincial Jail.
Segun ken ni Jail warden Edietor Guiang iti Ilocos Norte Provincial Jail, ti “Oplan Galugad” ket inwayat dagiti kamneng ti Philippine Drug Enforcement Agency-Region 1 ken ti Philippine National Police ditoy ciudad ti Laoag.
Segun ken ni Guiang, kadagupan kadagiti 14 a selda iti Ilocos Norte Provincial Jail ket awan ti aniaman a kontrabando a nakita dagiti otoridad.
Gapu iti daytoy, maragsakan ni Guiang gapu ta namentenar da ti panagbalin a “drug free” ti nasao a pagbaludan.
Innayon na a daytoyen ti maikadwa a nagsaruno a tawen a maibilang kas “drug-free” ti Ilocos Norte Provincial Jail.
Inpasingked met ni Guiang nga agtultuloy ti panangbagbaga da kadagiti balud tapno itultuloy da ti sumurot kadagiti pagannurutan iti nasao a pagbaludan.
