LAOAG CITY – Inbatad ti Phivolcs nga awan ti pangta ti tsunami iti Pilipinas kalpasan ti magnitude 6.7 a gingined iti dayaen a paset ti kabaybayan ti Honshu, Japan idi Disiembre 12, 2025, iti alas 10:44.
Nangiruar ti Japan Meteorological Agency ti tsunami advisory para iti posible a panagngat ti dalluyon nga agingga iti maysa a metro, ngem inbabana daytoy kalpasan a nakita a saan a nakaro ti epektona.
Napasamak ti gingined sumagmamano nga aldaw kalpasan ti magnitude 7.5 a ginggined iti isu met laeng a rehion, a nakasugatan ti nasurok a 50 a tattao.
Mabigbig ti Japan kas maysa kadagiti pagilian a masansan a pakapasamakan ti ginggined gapu ta masarakan ditoy ti Pacific Ring of Fire, nga aktibo ti seismic activity.
