LAOAG CITY – Inpasigurado ni District Engr. Glenn Miguel iti 1st Engineering Office ti Department of Public Works and Highways a pakita na no ania ti kasayaatan a maaaramid iti agkurba a paset ti viewdeck iti ili ti Bangui.
Daytoy ket kalpasan ti nagsasaruno a napasamak a disgrasya iti nadakamat a lugar, aglalo dagiti dadakkel a lugan wenno truck.
Nupay kasta, kuna ni Miguel a ti maysa a kasayaatan nga aramiden ket ti naan-anay a panagan-annad dagiti motorista iti panagdalyasat da iti lugar.
Mamati a gapu kadagiti nadadagsen unay a lugan ket ado dagiti madisdisgrasya iti lugar saan ketdi a mismo a ti kalsada ti problema.
Maipalagip a ti kaudian a nadisgrasya iti lugar ket ti maysa a Forward truck a nagkarga kadagiti motorsiklo no sadinno a nagsikig iti paset ti Bangui view deck.
