LAOAG CITY – Inpasigurado ni Atty. Charito Malicad, ti mangidadaulo iti Business Permit and Licensing Office nga adda amin ti permit dagiti aglaklako ti Christmas decorations iti sentro ditoy ciudad ti Laoag.
Kuna ni Malicad nga special permit ti inaplikaran dagiti negosyante gapu ta seasonal ti panaglako da.
Inbatad na a basar iti panagmonitor da ket awan met dagiti naduktalan da nga aglaklako ti Christmas decorations nga awan ti special permit na ditoy ciudad.
Kabayatanna, inpakaammo ni Malicad nga adda ti sumuruk-kumurang a 19 a negosyante a naikkan ti special permit na nga aglako ti paputok iti baba ti Gilbert Bridge ditoy ciudad ti Laoag.
Inpakaammo ni Malicad a dagitoy ket dagiti metlaeng grupo a siguden nga aglaklako ti paputok ditoy ciudad tunggal disyembre.
Innayon na a nainspeksyon da payen ti pagpwestoan da ket narukud da ti kalawa ti pagyanan da.
Kuna pay ni Malicad a nakikoordinar da payen iti Ilocos Norte Electric Cooperative para iti pannakaikabil ti kuryente dagiti aglako ti paputok a daytoy ket asisitiran ti Bureau of Fire Protections ditoy ciudad.
