LAOAG CITY – Nasakit ti nakem ni Mr. Dante de Guzman iti panakatakaw ti tricycle nga ipaspasada na iti ili ti Pasuquin kalpasan ti panangiparking na iti kaadda da iti parpeyaan.
Segun kenni De Guzman, idi laeng rabii ket nagiinom da kadua na dagiti papagayam na idi nagdesisyonan da nga agturong iti peryaan a masarakan met laeng iti Barangay 12 Poyupoyan.
Inlawlawag na nga inparking na ti tricycle na ken napan da nagsursur iti peryaan ken pasado alas-diyes idi nagpakada nga agawid ken ditoy na metten a saan nan a makita ti tricycle na.
Malaksid iti tricycle na ket naitaray pay dagiti grocery items, regalo, ken itlog a karga met ti kurong-kurong a nagparking met laeng.
Dagus a nagbirok daytoy ken inpakammo iti Philippine National Police ti pasamak ngem saan da a nabirukan ken iti kabigatan na ken inpakammo na iti operator na.
Mainaig iti daytoy, aminado met ni De Guz man nga inbati na ti tulbek nga isu ti dati nga ar-aramiden na.
Naamoan a ti motorsiklo ket black supremo ken ti sidecar na ket napintaan ti blue ken yellow ken adda ti sticker iti sango na a Cherry Anne Faith.
Kabayatanna, agpakpakaasi ni De Guzman kadagiti nakakitkita a tumulong tapno maisubli kadakuada ti tricycle.
