LAOAG CITY – Naipaayen ti Department of Public Works and Highways (DPWH) ti computer ken dagiti dokumento manipud iti opisina ni dati nga Usec. Catalina Cabral.
Daytoy ket kagiddan ti panangiruar ti Subpoena Duces Tecum ti Office of the Ombudsman tapno i-turnover dagiti amin a devices ken computer ni Cabral tapno imbestigaran ken tingitingen no adda ti binaliwan wenno inikkat a dokumento kagiddan ti rimmuar nga isyu mainaig kadagiti maanomalya a flood control projects.
Basar iti Department of Public Works and Highways, karaman a nai-turn-over dagiti dokumento ken requests para iti National Expenditure Program iti napalabas a 10 a tawen.
Indauluan ti turnover da Department of Public Works and Highways Usec. Nicasio Conti, Usec. Arthur Bisnar, Usec. Ricardo Bernabe III ken Usec. Charles Calima Jr.
Naminsan manen nga inpasigurado ti Department of Public Works and Highways ti pannakitinnulongda kadagiti otoridad ken kadagiti maseknan nga ahensia a mangiwaywayat ti imbestigasion.
