LAOAG CITY – Agtultuloy ti trabaho ni Presidente Ferdinand Marcos Jr. ita a Paskua.
Segun kenni Presidential Communications Office Secretary Dave Gomez, busbosen ti Presidente ti panawen na a naan-anay a mangadal iti P6.7-trillion 2026 national budget proposal.
Naamoan nga adda dagiti binilin na a personalidad a tumulong kenkuana a dagus a mangadal kadagiti probisyon a linaon ti lungalong a pondo.
Innayon ni Gomez a ti naan-anay a panagadal ket tapno masigurado nga umno ti pannakausar ti kuarta dagiti agbayad iti buwis.
Maipalagip a naiyatiddog ti sesion ti Senado ken Kamara de Representantes agingga iti Disiembre 30 para iti pannakaratipikar ti Bicam-approved a 2026 budget.
