LAOAG CITY – Inbatad ni Interior Secretary Jonvic Remulla a posible nga umabot iti 20 billion pesos ti ill-gotten wealth ni dati a public works undersecretary Maria Catalina Cabral manipud iti anomalous flood control ken dadduma pay a infrastructure projects.
Inbasar ni Remulla ti assessment na iti kabayag ni Cabral kas undersecretary for planning iti Department of Public Works and Highways (DPWH) no saidnno umabot iti agarop maysa a dekada ken isuna ti key figure iti flood control scandal.
Kunana a basar iti opinyon na, no ni Cabral ket adda iti ahensya iti walo wenno siyam a tawen ket mabalin met nga addaan isuna ti P20 billion.
Inlawlawag na a kas undersecretary for planning, ni Cabral ti mangaprubar amin kadagiti proyekto iti National Expenditure Program iti gobierno, kageddan ti panangdakamat na iti testimonya ni dati a DPWH undersecretary Roberto Bernardo ken ti nakabalod a contractor couple nga isuda Curlee ken Sarah Discaya.
Maipalagip a ni Cabral ket nakita a pimmusay kalpasan a maipagarop a naregreg iti derraas iti Tuba Benguet.
