LAOAG CITY – Kinumpirmaran ti National Bureau of Investigation (NBI) nga iggemen ti pamilia Cabral ang cellphone ni dati a Department of Public Works and Highways (DPWH) Usec. Catalina Cabral.
Inpasigurado ti National Bureau of Investigation a dawatenda ti pammalubos iti pamilia ni Cabral iti aniaman nga iwayatda nga imbestigasion.
Nupay kasta, no adda dagiti ebidensia nga adda ti pakainaiganna iti kaso ti flood control case, ti National Bureau of Investigation ket mabalin nga agaplikar para iti cyber warrant tapno matingiting daytoy.
Inlawlawag ti National Bureau of Investigation a no ti cellphone ket altered wenno tampered, mabalin latta a maipadalan iti forensic examination tapno ma-detect ti usage wenno manipulasyon.
Kabayatanna, nagaplikar metten ti National Bureau of Investigation ti subpoena iti hotel idiay Baguio a nagtarusan ni Cabral.
Gagem daytoy a makaala kadagiti video sumagmamano nga oras sakbay a nakita a natay ni Cabral iti derraas idiay Benguet.
