LAOAG CITY – Inpasigurado ni Bicol Saro Party-list Rep. Terry Ridon nga agtultuloy latta dagiti kaso nga adda ti pakainaiganna iti maipagarup nga anomalya kadagiti flood control project.
Daytoy ket uray natayen ti dati nga Undersecretary ti Department of Public Works and Highways (DPWH) a ni Catalina Cabral.
Inbatad ni Ridon a chair ti House Committee on Infrastructure, mabalin latta a paayaban dagiti otoridad kas testigo dagiti staff ken dadduma pay nga opisial ti Department of Public Works and Highways a nakadua ni Cabral iti panangplano ken panang-budget kadagiti proyekto.
Daytoy ket kagiddan ti panangbukel ti maysa a legal team nga agbiruk kadagiti wagas tapno maitultuloy iti panangsidir ti panangsungbat iti baet ti kellaat a pannakatay ti dati nga opisial.
Inpetteng ni Ridon, saan laeng a ni Cabral ti addaan ti access wenno akin-aramid kadagiti dokumento nga adda ti pakainaiganna kadagiti proyekto.
Innayonna a saan a maapektaran ti imbestigasion gapu laeng iti pannakatay ni Cabral nangruna ket adda dagiti personalidad a nakasoanen.
