LAOAG CITY – Dinayyeg ti magnitude 6.4 a gingined iti southern ken central Mexico.
Basar iti National Seismological Agency ti Mexico, nakita ti epicenter ti gingined nga asideg iti San Marcos.
Segun met iti United States Geological Survey, adda ti kauneg ti gingined a 21.7 miles ken 2.5 miles north-northwest ti Rancho Viejo, Guerrero.
Gapu iti gingined ket temporario nga insardeng ni Mexican President Claudia Sheinbaum ti kaunaan a press briefing ita a tawen.
Nagtataray dagiti residente ken turista idiay Mexico City ken Acapulco kadagiti kalsada apaman a nariknada ti napigsa a gingined.
Agtultuloy ti panagsursursor dagiti otoridad tapno makita no adda dagiti nadadael ken pimmusay gapu iti nasao nga insidente.
