LAOAG CITY – Iggemen ni Pinay tennis star Alexandra “Alex” Eala ti maika-49 a rango iti Women’s Tennis Association (WTA) ranking.
Daytoy ti baro a career-high a ranggo ti tennis player.
Ti baro a ranking ket kalpasan ti kampaniya na iti ASB Classic idiay Auckland, New Zealand.
Iti nasao a turneyo, naaramid ti Pinay tennis player nga umabot iti semifinals, karaman ti impresibo a panangabak na kadagiti immuna nga elimination rounds, kas ti panangabak kontra ken ni seven-time Grand Slam singles champion Venus Williams iti doubles category.
Sakbay pay ti ASB Classic, adda iti maika-53 a pwesto ni Eala, ti dati na a career-high ranking.
Naikeddeng a lumaban ti 2026 SEA Games gold medalist iti Kooyong Classic ken iti Australian Open idiay Melbourne ita a lawas.
