LAOAG CITY – Nangrugin a naiyimplementar ti anti-spaghetti wire ordinance ditoy probinsia.
Segun kenni Bokal Hanson Chua, author ti nasao a linteg, naikkan ti 8 a bulan dagiti telecommunication company a mangurnos kadagiti spaghetti wires da.
Kunana nga apaman a malpas ti walo a bulan ket imonitor da no naikkat amin dagitoy ngem no saan ket maikkan manen ti sangapulo nga aldaw dagiti kompanya a mangikkat.
Inlawlawagna a no malpas dagiti pawayway a maited ket mapatawanen dagitoy ti multa a 1 a ribo a pisos ti tunggal waya ken iti kada aldaw dagiti telecommunication company.
