LAOAG CITY – Inpasingked ni House Deputy Speaker ken Antipolo Rep. Ronald Puno a sumurot ti kamara de representantes kadagiti baro a pagannurotan ti Korte Suprema no adda manen ti maipila nga impeachment complaint kontra ken ni Vice President Sara Duterte.
Segun ken ni Puno, ad-adda nga agbalin a naannad ken detalyado ti proseso a mangipaganetget iti due process ken kompleto a dokumento sakbay a matratar ti kaso.
Inkalintegan ni Puno a ti kaso kontra ken ni Vice Presidente Duterte ket naimbestigaranen a naimbag iti Quad Committee, idinto a ti posible a kaso kontra ken ni Presidente Ferdinand Marcos Jr ket ‘speculative’ pay laeng.
Gapu iti baro a ruling ti Korte Suprema ket ad-adda a naig-iget ti proseso ti impeachment ken maadan a naimbag sakbay a maipasa iti senado.
