LAOAG CITY – Manamnama a mangiyisyu ti subpoena ti Department of Justice (DOJ) kada Senador Jinggoy Estrada ken ni dati a Senador Bong Revilla mainaig iti sangsangoenda a reklamo iti maanomalya a flood control projects.
Inbatad ni Prosecutor General Richard Anthony Fadullon, daytoy ket paset ti panangrugi ti pakpakauna nga imbestigasion kadagiti nasao a reklamo.
Maipalagip nga idi Huebes ket inrakurak ni Department of Justice Spokesperson Atty. Polo Martinez a nangipila ti National Bureau of Investigation ti nagsina a reklamo a plunder kontra kada Estrada ken Revilla.
Immunan a naidatag iti preliminary investigation ti reklamo a plunder kontra ken ni dati nga Ako Bicol Party-list Rep. Zaldy Co.
