LAOAG CITY – Nagpanawagan ni Palace Press Officer, Undersecretary Claire Castro nga irespeto ken saan a paggaangawan ti salun-at ni Presidente Ferdinand Marcos Jr.
Daytoy ket mainaig iti rakurak ni Senador Imee Marcos a nangibaga nga arigna “uncared” ni Presidente Marcos Jr.
Segun ken ni Castro, saan a rumbeng a pagbalinen a nakakatkatawa wenno pammarang ti panangipaay ti pammagbaga mainaig iti sitwasyon ti maysa a tao nga adda ti nagdalanan na a sakit.
Kuna na a ti kasapulan ni Presidente Marcos ken ti siasinno man nga addaan ti sakit ket ti pudno a panangisakit ken panangtaripato, saan a panagbalin a “komedyante” iti sangwanan ti publiko.
Inpetteng pay ni Castro a saan a rumbeng nga agpakaplastik wenno agusar ti isyu ti salun-at tapno laeng makaala ti simpatiya ti kaadoan ken ginutigot ti amin nga agbalin a responsable ken makatao kadagiti irakrakurak da.
