LAOAG CITY – Nagkiddaw ni Mrs. Helen Rose Domingo, mangidadaulo ti Provincial Sports and Development Office iti pannakikoordinar ti publiko tapno agtalinaed a nadalus ti Ferdinand Edralin Marcos Stadium.
Segun kenkuana, daytoy ket tapno magun-od ti gagem ti gobierbo probinsial a mapagtalinaed ti kinadalus iti aglawlaw ti nasao nga stadium.
Inbatadna a napateg a maipatungpal daytoy nangruna ket adu dagiti agturturong iti Marcos Stadium para iti physical fitness.
Inlawlawagna a dagiti kangrunaan nga oras nga adda dagiti makitkitada nga adda dagiti agkaiwarang a basura ket iti oras ti alas singko ti bigat ken kalpasan ti office hours.
Innayonna nga ugalien nga ibelleng dagiti basura iti naikeddeng a lugar tapno saan a narugit iti aglawlaw ti Marcos Stadium.
