LAOAG CITY – Agtultuloy ti panangbirbiruk dagiti otoridad iti maysa a bassit a commercial jet nga adda ti 15 a pasahero a nakalugan a naipadamag a mapukpukaw idiay Colombia.
Ti Satena Flight NSE 8849 ket aggapu iti ili ti Cucuta idiay Colombia ken agturong koma iti ili ti Ocana idi daytoy ket napukaw iti radar ti 11:54 ti bigat.
Naikeddeng nga ag-landing iti 12:05 ti malem ngem napukaw daytoy iti radar iti paset ti Catatumbo region a maysa a kabanbantayan a paset a border ti Colombia ken Venezuela.
Iti inisyal nga impormasion ti Beechcraft 1900 a nakarehistro iti HK-4709 ken imatmatonan ti kompania a SEARCA ket adda ti nakalugan a 13 a pasahero ken dua a crew.
