LAOAG CITY – Kinarit ti Malacañang ni dati nga Ako-Bicol Partylist Rep. Zaldy Co nga agsubli ditoy Pilipinas kalpasan ti panagpila na ti resolusyon iti Korte Suprema tapno mapaawan bileg ti resolusyon ti Ombudsman a mangimameg kenkuana iti graft ken malversation.
Inbatad ni Palace Press Officer Undersecretary Claire Castro a masapol nga agawid paylaeng ni Co ditoy pagilian kalpasan ti panagpila na ti certiorari petition idiay Stockholm, Sweden.
Ni Co, nga addaan ti arrest warrant manipod iti Sandiganbayan, ket saan pay a nagsubli ditoy Pilipinas kalpasan dagiti alegasyon nga adda ti pannakainaig na kadagiti maanomalya a flood control projects.
Kabayatanna, inrakurak ti Department of Foreign Affairs a ti kaudian nga impormasyon mainaig iti possible a lokasyon ni Co ket addan iti ima dagiti otoridad.
