LAOAG CITY – Nagpila ni US President Donald Trump kadwa na dagiti dua nga annak na a lalaki ti billion-dollar lawsuit kontra iti federal government gapu iti panagleak ti business ken personal tax returns da.
Ti reklamo ket inpila da iti Miami federal court no sadinno a kalikagom ti pamilya Trump nga agbayad ti federal government to $10-billion damages.
Inakusaran pamilya Trump ti Internal Revenue Service (IRS) ken ti Treasury Department a napaay a nanglapped ti pannakaiparuk-at ti “confidential, personal financial information” babaen ti dati a contractor ti Internal Revenue Service.
Naamoan a ti contractor a ni Charles “Chaz” Littlejohn, ket manarimaan ti panangiserbi na ti lima a tawen a sentensya na a pannakabalud kalpasan a nakunviktaran gapu iti panangiparuk-at na ti tax disclosures iti US media outlets.
Maipalagip a sakbay ti 2016 election, inbatad ni Trump a saanna nga ipublikat ti tax returns na gapu ta manarimaan ti pannaka-audit na, no sadinno a daytoy ti umuna a gundaway iti uneg ti agarop 50 a tawen a saanna a panangipublikar ti nasao a dokumento.
Kastoy manen ti nagbalin a rakurak na sakbay ti panagpaidasig na iti kina-presidente idi 2020.
Nupay kasta, idi Setyembre 2020 sakbay ti eleksyon iti Nobyembre ket ipublikar ti maysa a pagiwarnak a nagbayad laeng ni Trump iti $750 iti federal income taxes iti tawen a panangabak na kas mangidaulo ti Amerika, ken Awan ti binayadan na a tax iti napalabas a 10 agingga iti 15 a tawen.
