LAOAG CITY – Saan a ninamnama ni Miss Jirah Joy Francisco ti pannakakoronana kas Miss Ilocos Norte 2026.
Kinunana a napalaus ti ragsak a marikriknana no sadinno naipangatona ti nagan ti lugarna a Badoc.
Inbatadna a kalpasan ti pannakakorona kas pannakabagi dagiti moderno nga ilokana, kalikagumna ti agisubbot iti naggapoanna nga ili, pakairamanan dagiti nangsuportar kenkuana babaen iti panangsuportatrna kadagiti programa ken aktibidad ti ili ti Badoc.
Kinunana a sakbay iti nasao a pageant, adu dagiti preparasion a sinango ken inaramidna kasta payen dagiti responsibiladna kas maysa a kabsat ken maysa nga anak.
Patienna a ti kina-jolly-na ti nakita dagiti tattao ken dagiti hurado nga isu ti gapuna ti panagballigina kas Miss Ilocos Norte 2026.
Kabayatanna, maipapan iti nag-viral iti online maipanggep iti nagbalin a final question ti maysa a hurado a ni Gloria Diaz ket segun kenkuana, simple laeng ti saludsod ngem tricky iso a nagpnunotda iti on-the-spot.
Kabayatanna, sinaludsod met ti Bombo Radyo ti maipanggep dagiti agwar-waras iti online a sumagmamano kadagiti nagbuya iti nasao a kompetision ket saanda a nagustuan ti nagbalin a resulta ti nasao kompetision, no sadinno inpetteng ni Jirah a saanna a makontrol dagiti opinyon dagiti nakabuya, ken nagyaman pay daytoy gaputa nakitada ken sinubaybayanda ti nagbali a performance-na.
Nupay kasta, kinunana a panunotenda koma met dagiti tao nga konkondinarenda saan laeng nga isuna no diketdi kadagiti amin a kandidata gaputa tunggal maysa kadakuada ket adda dagiti kabukbukodanda a rigat a napasaran tapno laeng si-iisemda a bumaddek iti entablado. Gapu iti pannakangbakna, impanamnamana nga aramidenna ti amin a kabaelanna kas mangibagi kadagiti moderno nga ilokana ditoy probinsia.
