LAOAG CITY –Target ti Pilipinas a kissayan ti 85% ti plastic population intono 2040 iti babaen ti baro a Philippine National Plastic Action Roadmap 2026-2040.
Inyuswat ti Department of Environment and Natural Resources (DENR) ti roadmap kas bayabay ti national government, local governments, Negosyo, komunidad, ken dadduma pay nga stakeholders iti pananglapped ti plastic waste iti paggapoan dagitoy ket pannakapapigsa ti collection, recovery, ken recycling.
Segun ken ni Department of Environment and Natural Resources (DENR) Secretary Juan Miguel ‘Mitch’ Cuna, nga agserbi daytoy kas blueprint tapno ipamaysa dagiti target ken programa a maiyataday kadagiti pagalagadan ken maamoan no ana nga aspeto ti ad-adda a maipaayan ti puonan.
Mainaig iti daytoy, basar met ken ni Department of Environment and Natural Resources (DENR) a kasaraman iti roadmap ti sibubukel a plastic value chain manipud product design, production, ken consumption agingga ti collection, recovery, recycling, ken panangmanehar ti residual waste.
