LAOAG CITY – Inpasingked ti Department of Social Welfare and Development nga agtultuloy ti Aruga Project ditoy ciudad ti Laoag.
Iti agdama, adda ti 100 nga ubbing a Persons With Disability (PWD) a dagitoy ket agtawen ti 0 agingga iti 17 ti benepisyaryo ngem manayunan pay ti 100 ita a tawen.
Babaen ti Aruga Project, maipaayan ti tulong pinansial ken pannarabay dagiti ubbing nga addaan ti rangkap ditoy ciudad ti Laoag a dakkel a pakalag-anan ti pamilia da.
Pursigido ti gobierno lokal ditoy ciudad a maipaayan ti tulong ken pakalag-anan ti tunggal Laoagueño.
Ti Laoag City ti maysa kadagiti 4 a Local Government Units iti intero a pagilian a pakaim-implementaran ti Aruga Project.
