LAOAG CITY – Inrakurak ni Senate President Pro Tempore Panfilo “Ping” Lacson a karaman kadagiti nairekomendar a pilaan ti kaso iti draft report ti imbestigasion ti Senate Blue Ribbon Committee mainaig iti maanomalya a flood control projects ni dati nga House Speaker Martin Romualdez.
Naglikudan ni Lacson dagiti sayangguseng nga awan ti nakita a pagsungbatan ti komite maipapan ken ni Romualdez.
Inlawlawagna a mabalin nga awan ti nagan ni Romualdez kadagiti immuna a nadakamat gapu ta karaman isuna iti maikadua a kategoria.
Inpettengna nga awan ti naidatag nga ebidensia tapno paneknekan nga immawat ti kickback ni Romualdez.
Malaksid iti rakurak ni Guteza, immunan a naitudo ni Romualdez babaen kadagiti kontratista nga isuda Sarah ken Curlee Discaya iti baet kadagiti alegasion nga inusar ti dati nga House Speaker ti agasawa tapno gumatang ti maysa nga high-end a sanikua idiay Makati City.
