LAOAG CITY – Ad-adalen ti Office of the Executive Secretary dagiti probisyon ken dagiti nagpagtataripnongan ti gobierno ti Pilipinas ken Indonesia mainaig iti kaso ni Mary Jane Veloso.
Daytoy ti inbatad ni Palace Press Officer Undersecretary Atty. Claire Castro.
Ni Veloso ket nakunviktaran iti abroad gapu iti drug trafficking, ngem nakaawid ditoy Pilipinas kalpasan a pinatgan ti Indonesia ti kiddaw ti goboerno a maiyakar ditoy pagilian.
Iti laeng kallabes ket kiniddaw ni Veloso kadagiti otoridad ti pannakawaya-waya nan tapno mataripato na dagiti nagannak na nga agpadan a nataengan ken kasta met dagiti annak na a saanna pulos a nakadenna iti uneg ti 16 a tawen gapu iti pannakabalud na.
