LAOAG CITY – Limmabesen iti P1 trilyon ti Reserve Fund ti Social Security System (SSS) idi 2025, kapigsaan a financial performance a nairekord iti pakasaritaan.
Inbatad ni Finance Secretary ken Social Security Commission Chair Frederick Go, umabot iti P142.97 bilyon ti net income ti Social Security System idinto a ngimmato ti pakabuklan nga assets iti P1.26 trilyon.
Inlawlawagna a nalawag ti mensahe daytoy kadagiti miembro a natalged ti pensionda ken agtultuloy dagiti benepisio kas maiyataday iti pammilin ni Presidente Ferdinand Marcos Jr. a papigsaen ti benepisio ken panangimaton ti ahensia.
Kuna ni Social Security System President ken CEO Jay de Claro a resulta daytoy ti naiget a fiscal discipline ken reporma iti panangimanihir ti pundo.
Idi 2025, nangipatungpal ti Social Security System ti tinawen a nayon a pension no sadinno a 10% para iti retirement ken disability ken 5% para iti survivor pensions agingga inton 2027.
Umabot met iti P304.94 bilyon ti naipaay a benepisio iti 5.66 milyon a miembro ken P61.11 bilyon kadagiti pautang.
Naipababa ti interest rate kadagiti sumagmamano a loan program manipud iti 10% ket nagbalin nga 8% ken pinalawa ti Pension Loan Program para iti survivor pensioners.
