LAOAG CITY – Nagkedked ni Atty. Cocoy Ruiz a mangipaay ti komento mainaig iti panangipila ti countercharge ti dati a Mayor iti ili ti Dingras a ni Marynette Gamboa kontra kenkuana.
Iti panagsaludsod ti Bombo Radyo Laoag News Team ken ni Ruiz maipanggep iti pannakaibasura ti kaso a murder ni Gamboa ket naminsan manen daytoy a nagkedked a mangited ti aniaman a reaksion.
Maipalagip a mangipila ti countercharge ti dati a Mayor iti ili ti Dingras a ni Gamboa kontra ken ni Atty. Ruiz, baro daydi napapatay a ni dati nga Ilocos Norte Electric Cooperative wenno INEC Board President Lorenzo Rey Ruiz gapu ta naan-anayen a nawaya-wayaan kalpasan iti uneg ti 16 a tawen.
Immuna iti daytoy, inpetteng ni Gamboa a desidido daytoy a mangipila ti countercharge para iti pagsayaatan dagiti tattao ken sumaruno pay nga henerasion tapno saan a basta a mapilaan ti maysa nga indibidual nga awan met ti basolna.
