LAOAG CITY – Inikkan ti Department of Justice (DOJ) ti agingga inton Marso 9 tapno mangipasa ti counter-affidavit ni Senador Jinggoy Estrada ken dagiti kaduana a karaman iti kaso a plunder nga inpila ti National Bureau of Investigation (NBI).
Inbatad ni Department of Justice spokesperson Polo Martinez a nangnayon ti National Bureau of Investigation kadagiti respondents ken ebidensia iti inpilada a reklamo.
Inlawlawagna nga inikkan ti prosecutors ti National Bureau of Investigation ti agingga inton Pebrero 26 a mangipaay kadagiti kopya kadagiti respondents kadagiti ebidensiada.
Naammoan a no maikkan ti kopya dagitoy ti dokumento ket maaddaan ti agingga inton Marso 9 dagiti respondents a mangipasa ti counter affidavits-da.
Saanda metten nga inbuksilan pay ti pakabigbigan dagiti nayon a kakunsabo ti senador.
