LAOAG CITY – Inpakaammo ni Vice Mayor Maynard Francis Bumanglag, ti Presidente iti Vice Mayors League of the Philippines nga adda ti maiyuswat nga Academy for Presiding Officer.
Segun kenkuana, kas ti inkarina idi nga imbes nga aramidenda daytoy iti uneg ti tallo a tawen ket maaramid aminen ita a tawen.
Inbatadna ng adda ti pannakisarsaritana iti pannakabagi ti University of the Philippines iti daytoy a banag tapno maiplastar a nasayaat.
Kunana nga amin a conventions-da ket mai-convert iti micro courses no sadinno nga agbalinto daytoyen a micro modular classes.
Inlawlawagna a babaen iti daytoy ket agturpos dagiti Vice Mayor iti University of the Philippines.
Inpettengna a daytoy a ganuat ket dakkel a makatulong kadakuada tapno ad-adda a maasa dagiti abilidda a mangparnuay ti ad-adda pay a pagsayaatan ti masakupanda a lugar.
