LAOAG CITY – Naminsan manen a nagpalagip ken nagballaag ti Commission on Elections (Comelec) iti publiko mainaig iti panagwaras ti fake news ken panagusar ti Artificial Intelligence generated information.
Inbatad ni Commission on Elections Commissioner Ernest Maceda a manarimaan ti pannakikoordinarda kadagiti sumagmamano a social media platforms tapno masigurado a mailawlawag a naimbag ken malabanan ti aniaman a fake news.
Kunana a napateg a manayonan ti ammo dagiti botante mainaig kadagiti Artificial Intelligence generated information tapno ad-adda a nakasagana dagitoy iti eleksion.
Mainaig iti daytoy, binukel ti Artificial Intelligence ti Task Force Katotohanan, Katapatan at Katarungan iti eleksion tapno maammoan dagiti botante no ania dagiti fake news ken Artificial Intelligence generated information.
Inlawlawag ni Maceda a nasken a pagtalkan laeng dagiti botante dagiti umno a damag ken impormasion no sadinno a naiget nga ammoen no asino ti source wenno sadinno ti naggapoan ti damag.
Kabayatanna, inpasigurado ti Commission on Elections a nalawlawa ti voter education-da para iti kaunaan a parliamentary elections iti Bangsamoro Autonomous Region in Muslim Mindanao gapu metten iti kinaadu dagiti pannakabalbaliw.
