LAOAG CITY – Umabot iti $373 milyon wenno sumurok P21 bilyon ti net a naiparuk-at iti ekonomia ti Pilipinas idi Enero, basar iti Bangko Sentral ng Pilipinas (BSP).
Ti maaw-awagan a balance of payments (BOP) deficit idi Enero ket nababbaba maidasig iti $4.073 bilyon a balance of payments deficit a nairekord idi Enero 2025.
Ti balance of payments ti datos ti amin a dolyar ken dadduma pay a foreign currency a sumsumrek ken rumrummuar iti pagilian manipud kadagiti mapaspastrek manipud iti exports ken maipatpatulod a remittances dagiti overseas Filipino worker agingga kadagiti baybayadan iti imports, dagiti baybayadan a foreign debt ken interes dagitoy.
Bimmassit ti balance of payments idi Enero maidasig iti napalabas a tawen gapu ta immutang ti gobierno ti $2.75 bilyon iti foreign creditors iti babaen ti global bond issue isu nga adda ti simrek a $2.75 bilyon a baro a dolyar wenno foreign currency iti ekonomia.
